25 гадоў назад на сцэне нашай школы стаяла Алена Пятроўна Яхант і на яе вачах былі слёзы. Зала была запоўнена гасцямі. Прыехалі паэты Слонімшчыны і горада Баранавічы, супрацоўнікі Цэнтральнай гарадской бібліятэкі, бацькі і вучні. Гэта былі слёзы радасці і шчасця. Завяршылася шматгадовая, крапатлівая праца.
8 лютага споўнілася б 103 года Валянціну Таўлаю, і сёння спаўняецца 25 гадоў народнаму літаратурна-краязнаўчаму музею імя В.П. Таўлая сярэдняй школы № 4 горада Баранавічы.
Адчыняйце хаты, людзі!
Адчыняйце сэрцы, людзі!
Вясна будзе! Вясна будзе!
Жыве на свеце чалавек,
Жыве не вельмі доўгі век,
А каб крыху даўжэй пражыць,
Патрэбна ўсе вакол любіць.
Любі родную Старонку,
Аддай ёй розум і душу,
Кладзі ўсё ў яе скарбонку,
Ад сэрца чыстага прашу.
І пакуль будзе існаваць наш музей, у нашых сэрцах будзе жыць памяць пра паэта, будзе гучаць родная мова, а значыць, будзе жыць незалежная, таленавітая, працавітая, памяркоўная, квітнеючая Беларусь.