Музей шырока выкарыстоўваецца ў вучэбнай і выхаваўчай рабоце.
Тут праводзяць урокі, фрагменты ўрокаў, класныя гадзіны настаўнікі -прадметнікі і настаўнікі пачатковых класаў, класныя кіраўнікі.
Традыцыйнымі сталі нядзелі беларускай мовы і літаратуры. Таксама на базе нашага музея праводзіўся абласны семінар настаўнікаў беларускай мовы і літаратуры. Гасцям з горада Брэста вельмі спадабалася ў “ гасцях ў Міхася і Агаты”, і яны нават запрасілі нас да сябе ў Брэст. У 2007 годдзе музей сустракаў удзельнікаў гарадскога семінара настаўнікаў рускай мовы і літаратуры, у 2008 годдзе - семінар настаўнікаў гісторыі горада Баранавічы, у 2009 годдзе адбылося пасяджэнне педагагічнай студыі “Роль внеклассной работы и дополнительного образования в повышении качества преподавания истории и обществоведения” і семінар лагапедаў-дэфектолагаў, у 2010 годдзе - семінар маладых класных кіраўнікоў школ горада. Міхась і Агата заўжды радушна сустракалі гасцей і частавалі дранікамі, “смажанымі ў печы”, каўбасой і салам. Не забылі і пра хлебны квас. Традыцыі беларускага народа гасцінна сустракаць усіх пільна захоўваюцца музеем.
У лютым піянерская арганізацыя школы, якая носіць імя Ігара Гука, выпускніка нашай школы, праводзіць вечары памяці героя ў музеі. Для падрыхтоўкі і правядзення мерапрыемства выкарыстоўваюцца матэрыялы фонда музея. Стала добрай традыцыяй кожны год прымаць у піянеры вучняў не толькі школы № 4, але і гімназіі №5 у нашым школьным музеі.