7 лютага 1992 года дырэктар сярэдняй школы № 4 горада Баранавічы Томка Уладзімір Уладзіміравіч падпісаў загад № 17 аб назначэнні загадчыцай музея настаўніцы беларускай мовы і літаратуры Яхант Алены Пятроўны. Урачыстае адкрыццё музея адбылося 8 лютага 1992 года. У гэты дзень споўнілася 78 гадоў з дня нараджэння Валянціна Паўлавіча  Таўлая. Але,  на наш погляд, гісторыя музея пачалася не 8 лютага 1992 года, а ў 1968 годзе, калі прыйшла працаваць у сярэднюю школу № 4 Яхант Алена Пятроўна.